ಶ್ರೀಅನ್ನಪೂರ್ಣೇಶ್ವರಿ ದೇವಸ್ಥಾನ ಹೊರನಾಡು…!

ಕರ್ನಾಟಕದ ಪಶ್ಚಿಮ ಘಟ್ಟಗಳಲ್ಲಿ, ಚಿಕ್ಕಮಗಳೂರಿನ ನೈಋತ್ಯಕ್ಕೆ 100 ಕಿಮೀ ದೂರದಲ್ಲಿ #ಹೊರನಾಡು
ದಟ್ಟವಾದ ಕಾಡುಗಳು ಮತ್ತು ಕಣಿವೆಗಳ ಮಧ್ಯದಲ್ಲಿದೆ.
ಇದು ಸುಂದರ ಪ್ರಕೃತಿಯ ಪರಿಸರದಲ್ಲಿರುವ
ಶ್ರೀಅನ್ನಪೂರ್ಣೇಶ್ವರಿಯ ಪುರಾತನ ದೇವಾಲಯವಾಗಿದೆ.
ಈಗ ಜೀರ್ಣೋದ್ಧಾರಗೊಂಡು #ಆದಿಶಕ್ತ್ಯಾತ್ಮಕ

ಶ್ರೀ ಅನ್ನಪೂರ್ಣೇಶ್ವರಿ ಎಂದು ಮರುನಾಮಕರಣ ಗೊಂಡಿದೆ.

ಆದಿಶಕ್ತಾತ್ಮಕ ಶ್ರೀ ಅನ್ನಪೂರ್ಣೇಶ್ವರಿಯ ಪ್ರತಿಷ್ಠಾಪನೆಯನ್ನು ಹಲವಾರು ಶತಮಾನಗಳ ಹಿಂದೆ ಈ ಪವಿತ್ರಕ್ಷೇತ್ರದಲ್ಲಿ ಅಗಸ್ತ್ಯ ಮಹರ್ಷಿಗಳು ಮಾಡಿದ್ದರು.

ಜ್ಯೋತಿಷ್ಯ ,ವಾಸ್ತುಶಿಲ್ಪ, ಆಗಮಶಾಸ್ತ್ರ ಮತ್ತು ಹಿಂದೂ ಪುರಾಣಗಳ ಎಲ್ಲಾ ಮಾರ್ಗಸೂಚಿಗಳಂತೆ ಅನ್ನಪೂರ್ಣೇಶ್ವರಿ ದೇವಿಯ ಸಂಪೂರ್ಣ ಅಲಂಕರಿಸಿದ ಕಲ್ಲಿನ ಶಿಲ್ಪದೊಂದಿಗೆ ಅನ್ನಪೂರ್ಣೇಶ್ವರಿ ದೇವಸ್ಥಾನದ ನವೀಕರಣವು 1962 ರಲ್ಲಿ ಪೂರ್ಣಗೊಂಡು, 1973 ರ ಅಕ್ಷಯ ತದಿಗೆಯ ಶುಭ ದಿನದಂದು ಶ್ರೀಅನ್ನಪೂರ್ಣೇಶ್ವರಿ ದೇವಿಯ ಪುನರ್ಪ್ರತಿಷ್ಠಾಪನೆಯು ನೆರವೇರಿತು. ದಕ್ಷಿಣಾಮ್ನಾಯ ಶೃಂಗೇರಿ ಶಾರದಾಪೀಠದ ಶ್ರೀ ಶ್ರೀ ಅಭಿನವ ವಿದ್ಯಾತೀರ್ಥ ಮಹಾಸ್ವಾಮಿಗಳವರಿಂದ ಮಹಾಕುಭಾಭಿಷೇಕವೂ ನೆರವೇರಿತು.

ಅನ್ನಪೂರ್ಣೇಶ್ವರಿಯ ಬಗ್ಗೆ ಇರುವ ದಂತಕಥೆ..

ಒಮ್ಮೆ ಪಾರ್ವತಿ ದೇವಿ ಮತ್ತು ಶಿವನು ಪಗಡೆಯ ಆಟವನ್ನು ಆಡಿ, ಅಂತಿಮವಾಗಿ ಪಣವಾಗಿ ತಮ್ಮ ಅಮೂಲ್ಯವಾದ ಆಸ್ತಿಯನ್ನು ನೀಡುವ ಮೂಲಕ ಜೂಜಾಟವನ್ನು ಪ್ರಾರಂಭಿಸಿದರು. ಭಗವಾನ್ ಶಿವನು ತನ್ನ ತ್ರಿಶೂಲ ಮತ್ತು ತನಗೆ ಸಾಧ್ಯವಾದ ಎಲ್ಲವನ್ನೂ ಪಣಕ್ಕಿಟ್ಟು ಕೊನೆಯಲ್ಲಿ ಆಟದಲ್ಲಿ ಸೋತನು. ಅಂತಿಮವಾಗಿ ಅವರು ವಿಷ್ಣುವಿನ ಸಹಾಯವನ್ನು ಕೋರಿದಾಗ, ಶಿವನು ಕಳೆದುಕೊಂಡಿದ್ದನ್ನೆಲ್ಲ ಗೆಲ್ಲಲು ಮತ್ತೊಮ್ಮೆ ಆಡಲು ಪ್ರೋತ್ಸಾಹಿಸಿದನು.
ಶಿವನು ಆಟದಲ್ಲಿ ಗೆದ್ದು ಹಿಂದೆ ಕಳೆದುಕೊಂಡಿದ್ದೆಲ್ಲವನ್ನೂ ಮರಳಿ ಪಡೆದನು.ದಾಳವು ಶಿವನಿಗೆ ಬೇಕಾದ ಗರವನ್ನು ಹಾಕಿ ಒಲವು ತೋರಿತು ಇದರಿಂದ ಪಾರ್ವತಿಯು ಏನೋ ತಪ್ಪಾಗಿದೆ ಎಂದು ಗ್ರಹಿಸಿದಳು.
ಅಂತಿಮವಾಗಿ ಭಗವಾನ್ ವಿಷ್ಣುವಿನ ಆಜ್ಞೆಯಂತೆ ದಾಳ ಉರುಳಿದಾಗ ಭಗವಾನ್ ವಿಷ್ಣುವು ಶಿವನಿಗೆ ಸಹಾಯ ಮಾಡುತ್ತಿದ್ದಾನೆ ಎಂಬುದು ಅವಳಿಗೆ ಗೊತ್ತಾಯಿತು.
ಈ ವಂಚನೆಯು ಪಾರ್ವತಿಯನ್ನು ಕೆರಳಿಸಿತು. ಭಗವಾನ್ ವಿಷ್ಣುವು ತನ್ನ ಉಪಾಯವನ್ನು ಭ್ರಮೆ ಎಂದು ಉಲ್ಲೇಖಿಸಿ, ಭಗವಾನ್ ಶಿವನು ಆಹಾರ ಸೇರಿದಂತೆ ಭೌತಿಕವಾದ ಎಲ್ಲವನ್ನೂ ಮಾಯೆ ಎಂದು ಉಲ್ಲೇಖಿಸುವ ಮೂಲಕ ವಿಷಯಗಳನ್ನು ಕೆಟ್ಟದಾಗಿ ಬಿಂಬಿಸಿದರು.
ಭಗವಾನ್ ಶಿವನ ಹೇಳಿಕೆಯಿಂದ ಕೋಪಗೊಂಡ ಪಾರ್ವತಿಯು ಅಲ್ಲಿಂದ ಕಣ್ಮರೆಯಾಗದಳು.
ಅವಳು ಕಾಣೆಯಾದ ಸ್ವಲ್ಪ ಸಮಯದಲ್ಲಿಯೇ ಭೂಮಿಯು ಶುಷ್ಕವಾಗಿ, ಕೇವಲ ಮನುಷ್ಯರಲ್ಲ ದೇವತೆಗಳು ಮತ್ತು ಅಸುರರು ಅವಳನ್ನು ಹಿಂದಿರುಗುವಂತೆ ಪ್ರಾರ್ಥಿಸಿದರು. ತಾಯಿಯಾಗಿರುವುದರಿಂದ ತನ್ನ ಮಕ್ಕಳು ಹಸಿವಿನಿಂದ ಸಾಯುವುದನ್ನು ನೋಡಲು ಪಾರ್ವತಿಗೆ ಸಾಧ್ಯವಾಗದೆ
ಆಹಾರವನ್ನು ನೀಡಲು ಮರಳಿ ಬಂದಳು.
ಅಂದಿನಿಂದ ಅವಳಿಗೆ #ಅನ್ನಪೂರ್ಣೇಶ್ವರಿ ಎಂಬ ಹೆಸರು ಬಂದಿತು.

ಶಿವನು ತನ್ನದು ತಪ್ಪು ಎಂದು ಅರಿತುಕೊಂಡು ಅವಳಿಂದ ಭಿಕ್ಷೆ ಪಡೆಯಲು ಒಂದು ಬಟ್ಟಲನ್ನು ಕೈಗೆ ತೆಗೆದುಕೊಂಡು ಭಿಕ್ಷೆ ಯಾಚಿಸಿದನು.

ಅನ್ನಪೂರ್ಣೇಶ್ವರಿ ದೇವಸ್ಥಾನವು ಅನ್ನದಾನವನ್ನು ನಡೆಸಲು ಮಹತ್ವದ ಸ್ಥಳವಾಗಿದೆ, ಇದರಿಂದ ವ್ಯಕ್ತಿಗಳು ತಮ್ಮ ಜೀವನದಲ್ಲಿ ಮತ್ತೆ ಹಸಿವಿನಿಂದ ಬಳಲುವುದಿಲ್ಲ ಎಂದು ಭಕ್ತರ ಅಚಲವಾದ ನಂಬಿಕೆ ಇದೆ.

ಎಲ್ಲ ಭಕ್ತರಿಗೆ ಅವರ ಜಾತಿ ಅಥವಾ ಧರ್ಮವನ್ನು ಲೆಕ್ಕಿಸದೆ ಬೆಳಿಗ್ಗೆ,ಮಧ್ಯಾಹ್ನ,
ರಾತ್ರಿ, ತ್ರಿಕಾಲಗಳಲ್ಲಿಯೂ ಪ್ರಸಾದ ಭೋಜನವನ್ನು ನೀಡಲಾಗುತ್ತದೆ.

ಅನ್ನಪೂರ್ಣೇಶ್ವರಿ ದೇವಾಲಯದ ವಾಸ್ತುಶಿಲ್ಪ.

ಅನ್ನಪೂರ್ಣೇಶ್ವರಿ ದೇವಸ್ಥಾನವು ತನ್ನ ಭವ್ಯವಾದ ವಾಸ್ತುಶಿಲ್ಪಕ್ಕೆ ಹೆಸರುವಾಸಿಯಾಗಿದೆ. ಇದರ ಗೋಪುರವು ಹಿಂದೂ ದೇವರು ಮತ್ತು ದೇವತೆಗಳ ಶಿಲ್ಪಗಳಿಂದ ಅಲಂಕರಿಸಲ್ಪಟ್ಟಿದೆ. ದೇವಾಲಯದ ಮುಖ್ಯ ಪ್ರವೇಶದ್ವಾರದ ಎಡಭಾಗದಲ್ಲಿ ಮಂಟಪವಿದೆ.

ದೇವಾಲಯದ ಛಾವಣಿಗಳು ಸುಂದರವಾದ ಕೆತ್ತನೆಗಳಿಂದ ಅಲಂಕರಿಸಲ್ಪಟ್ಟಿವೆ.
ಆದಿ ಶೇಷನು ದೇವಾಲಯದ ಗರ್ಭಗೃಹವನ್ನು ಹೊರಗಿನಿಂದ ಸುತ್ತುವರೆದಂತೆ ಕಾಣುವ ರಚನೆ ಇದೆ.ಆದರೆ ದೇವಿಯ ಪದ್ಮ ಪೀಠವು ಕೂರ್ಮ,ಅಷ್ಟಗಜವನ್ನು
ಒಳಗೊಂಡಿದೆ.

ಅನ್ನಪೂರ್ಣೇಶ್ವರಿ ದೇವಿಯ ವಿಗ್ರಹವು ಚಿನ್ನದಿಂದ ಲೇಪಿತವಾಗಿದ್ದು ಪೀಠದ ಮೇಲೆ ನಿಂತ ಭಂಗಿಯಲ್ಲಿದೆ.
ಚತುರ್ಬಾಹುಗಳಲ್ಲಿ,
ಎರಡರಲ್ಲಿ ಶಂಖ,ಚಕ್ರ,
ಮತ್ತೆರಡು ಅಭಯ,ವರದ ಮುದ್ರೆಯಲ್ಲಿವೆ.

ಅನ್ನಪೂರ್ಣೇಶ್ವರಿ ದೇವಸ್ಥಾನದ ಇತಿಹಾಸ.

ವಂಶಪಾರಂಪರ್ಯವಾಗಿ ಧರ್ಮಕರ್ತರು ಮತ್ತು ಅರ್ಚಕವೃಂದವು ಕಳೆದ 400 ವರ್ಷಗಳಿಂದ ಈ ದೇವಾಲಯದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.
ಧರ್ಮಕರ್ತರ ಕುಟುಂಬದ ವಂಶಸ್ಥರು ಇಂದಿಗೂ ನಿರ್ವಹಿಸುತ್ತಿದ್ದಾರೆ. ಆರನೆಯ ಧರ್ಮಕರ್ತರಾದ ಶ್ರೀ ಡಿ.ಬಿ.ವೆಂಕಟಸುಬ್ಬ ಜೋಯಿಸರು ಈ ದೇವಸ್ಥಾನವನ್ನು ಪುನರುಜ್ಜೀವನಗೊಳಿಸಿದರು.
ಈಗ ಅವರ ಪುತ್ರರಾದ ಶ್ರೀ ಭೀಮೇಶ್ವರ ಜೋಶಿಯವರು ಧರ್ಮಕರ್ತರಾಗಿ ದೇವಿಯ ಸೇವೆ ಮಾಡುತ್ತಿದ್ದಾರೆ.

ಈ ರಚನೆಯು ಜ್ಯೋತಿಷ್ಯ, ವಾಸ್ತು ಶಿಲ್ಪ,ಆಗಮಶಾಸ್ತ್ರ ಮತ್ತು ಪುರಾಣಗಳ ನಿಯಮಗಳಂತೆ ನಿರ್ಮಾಣಗೊಂಡು
ದೇವಿ ಅನ್ನಪೂರ್ಣೇಶ್ವರಿಯ ‘”ಪುನರ್ಪ್ರತಿಷ್ಠಾಪನೆ” ಯು 1973 ರ ಅಕ್ಷಯ ತೃತೀಯದ ಶುಭ ದಿನದಂದು ನೆರವೇರಿಸಲ್ಪಟ್ಟಿತು.

ದೇವಿಯ ಆಶೀರ್ವಾದವನ್ನು ಪಡೆದ ಜನರು ತಮ್ಮ ಜೀವನದಲ್ಲಿ ಎಂದಿಗೂ ಆಹಾರ ಮತ್ತು ಧಾನ್ಯದ ಕೊರತೆಯನ್ನು ಎದುರಿಸಬೇಕಾಗಿಲ್ಲವೆಂದು ಭಕ್ತರು ನಂಬುತ್ತಾರೆ.

ಇಲ್ಲಿ ಆಚರಿಸಲಾಗುವ ಪ್ರಮುಖ ಹಬ್ಬಗಳಲ್ಲಿ ಅಕ್ಷಯ ತೃತೀಯವೂ ಒಂದು. ಈ ದಿನವನ್ನು ದೇವಿಯ ಜನ್ಮದಿನವೆಂದು ಪರಿಗಣಿಸಲಾಗುತ್ತದೆ. ಹಾಗಾಗಿ ಈ ದಿನ ದೇವಿಗೆ ವಿಶೇಷ ಅಲಂಕಾರ, ವಿಶೇಷ ಪೂಜೆ ಇರುತ್ತದೆ.
ಈ ದೇವಾಲಯದಲ್ಲಿ ಫೆಬ್ರವರಿ ತಿಂಗಳಲ್ಲಿ 5 ದಿನಗಳು,ಮತ್ತು ನವರಾತ್ರಿಯ 9 ದಿನಗಳು ನವರಾತ್ರಿ ಉತ್ಸವದೊಂದಿಗೆ ಭವ್ಯವಾದ ರಥೋತ್ಸವವನ್ನು ಕೂಡ ಆಯೋಜಿಸಲಾಗುತ್ತದೆ.